Երևանում «ReAnimania» միջազգային անիմացիոն կինոփառատոնին կմասնակցի 250 ֆիլմ

«ReAnimania» միջազգային անիմացիոն կինոփառատոնին կներկայացվի ավելի քան 250 ֆիլմ՝ աշխարհի 31 երկրներից, ուրբաթ «Նովոստի-Արմենիա» գործակալությանը հայտնեցին փառատոնի մամուլի ծառայությունից:

ReAnimania-ն փառատոնը մասնակցության դիմումներ է ստացել Ֆրանսիայից, Ռուսաստանից, ԱՄՆ-ից, Անգլիայից, Գերմանիայից, Պորտուգալիայից, Հունգարիայից, Իսպանիայից, Նորվեգիայից, Ֆինլանդիայից, Շվեյցարիայից, Ավստրալիայից, Լեհաստանից, Էստոնիայից, Լատվիայից, Լիտվայից, Խորվաթիայից, Բելգիայից, Բելառուսից, Ուկրաինայից, Վրաստանից, Լիբանանից, Սիրիայից:

Փառատոնի մրցութային ծրագրերին խորհրդի որոշմամբ կմասնակցեն 5 լիամետրաժ և 100-125 կարճամետրաժ ֆիլմեր:

Փառատոնի շրջանակներում կանցկացվեն վարպետության դասընթացներ և սեմինարներ կինոյի համաշխարհային ճանաչում ունեցող գործիչների մասնակցությամբ:  

ReAnimania երևանյան միջազգային անիմացիոն ֆիլմերի փառատոնը կանցկացվի հոկտեմբերի 3-ից 6-ը: Շնորհիվ փառատոնի՝ հայ հանդիսատեսը կկարողանա ամեն  տարի ծանոթանալ Անսիի (Ֆրանսիա) անիմացիոն ֆիլմերի ամենահեղինակավար փառատոնի մրցանակակիրների աշխատանքներին և անիմացիոն ֆիլմերի ստուդիաներին։

ReAnimania նախագծի նպատակը անիմացիոն արվեստի զարգացմանն օժանդակելն է, համաշխարհային կարգի նկարիչ-անիմատորների նոր սերնդի դաստիարակությունը և համաշխարհային ասպարեզում հայ անիմատորների աշխատանքների ցուցադրության նպատակով համաժողովի կազմակերպումը, ինչպես նաև հայ հանդիսատեսին իրենց երկրից լավագույն անիմացիոն ֆիլմերի նմուշները ներկայացնելը։ Նախատեսվում է նաև Անիմացիայի թանգարանի հիմնում Երևանում։ -0-