ԵՐԵՎԱՆ, 1 սեպտեմբերի. /Նովոստի-Արմենիա/. ԱՄՆ պետդեպարտամենտը ողջունում է Թուրքիայի և Հայաստանի մերձեցումը, տեղեկացնում է ՌԻԱ Նովոստին։
Երկուշաբթի երեկոյան Թուրքիայի և Հայաստանի արտգործնախարությունները, ինչպես նաև Շվեյցարիայի Արտաքին գործերի դեպարտամենտը հայտարարեցին, որ Հայաստանի հետ բանակցություններում, որոնք տարվում են Շվեյցարիայի միջնորդությամբ, պայմանավորվածություն է ձեռք բերվել «Դիվանագիտական հարաբերություններ հաստատելու մասին արձանագրության» և «Երկկողմ հարաբերությունների զարգացման մասին արձանագրության» ստորագրմանը վերաբերող «ներքաղաքական խորհրդատվությունների» սկզբի մասին:
«Միացյալ Նահանգները ջերմորեն ողջունում է Թուրքիայի և Հայաստանի՝ Շվեյցարիայի միջնորդությամբ նախապատրաստած և երկկողմ հարաբերությունների բարելավման հետագա քայլեր նախատեսող համատեղ հայտարարությունը։ ԱՄՆ դիրքորոշումը հետևյալն է՝ երկրների հարաբերությունները պետք է բարելավվեն առանց որևէ նախապայմանի խելամիտ ժամկետներում։ Մենք կոչ ենք անում Հայաստանին ու Թուրքիային արագացնել աշխատանքն այդ ուղղությամբ և հիմնվել պայմանավորվածություններում տեղ գտած սկզբունքներին»,- ասվում է երկուշաբթի երեկոյան տարածած պետդեպարտամանետի պաշտոնական ներկայացուցիչ Յան Քելլիի հայտարարությունում։
Պետդեպարտամենտը նշում է նաև, որ ԱՄՆ-ն առաջվա պես պատրաստ է սերտորեն համագործակցել երկու երկրների հետ հակամարտության հանգուցալուծման հարցում։ -0-
