Վրաստանի ԱԳՆ ղեկավարը սեպտեմբերի 4-ին կարճաժամկետ այցով կայցելի Հայաստան

Վրաստանի ԱԳՆ ղեկավար Գրիգոլ Վաշաձեն սեպտեմբերի 4-5-ը կարճաժամկետ այցով կգտնվի Հայաստանում,  երկուշաբթի «Նովոստի-Արմենիա» գործակալությանը հայտնեց ՀՀ առողջապահության նախարարության ԶԼՄ-ների հետ կապերի բաժնի պետ Տիգրան Բալայանը։  

«Այցի շրջանակներում նախատեսվում է երկկողմ համագործակցությանն ու տարածաշրջանային խնդիրներին առնչվող հարցերի քննարկում»,- ասաց Բալայանը։

Ինչպես հայտնում է «Նովոստի-Գրուզիա» գործակալությունը՝ հղում անելով Վրաստանի արտգործնախարարի տեղակալ Դավիթ Ջալագանիային, «այցը կանցկացվի Հայաստանի և Վրաստանի միջև քաղաքական երկխոսության ձևաչափով»։ -0-