Ռուս-հայկական համալսարանի բիզնես-դպրոցը հոկտեմբերի 1-ից կսկսի MBA SBS «Մարքեթինգ» ծրագրի իրականացումը

ԵՐԵՎԱՆ, 28 օգոստոսի. /Նովոստի-Արմենիա/. Ռուս-հայկական (Սլավոնական) համալսարանի բիզնես-դպրոսը հոկտեմբերի 1-ից կսկսի MBA SBS «Մարքեթինգ» ծրագրի իրականացումը, հայտնում է բուհի մամուլի ծառայությունը:

Հաղորդագրության համաձայն, օգոստոսի 22-ին շվեյցարական Bad Ragaz քաղաքում ՌՀՀ և Շվեյցարական Բիզնես-դպրոցի /Ցյուրիխ/ միջև ստորագրվել է Հայաստանում ՌՀՀ Բիզնես-դպրոցի բազայի վրա Master of Business Administration (MBA) Swiss Business School (SBS) ծրագրի իրականացման մասին պայմանագիր:   

Համաձայնագրի ստորագրման արարողությանը նախորդել է ծրագրի նախապատրաստման համատեղ գործունեության երկարատև ժամանակահատվածը, որն ավարտվել է ՌՀՀ ռեկտոր Արմեն Դարբինյանի և SBS ղեկավար Բերտ Վոլֆսի (PhD, MDP Harvard GSE) միջև՝ Շվեյցարիայում անցկացված բանակցություններով:
 
«Ծրագիրը մեկնարկում է հոկտեմբերի 1-ից «Մարքեթինգ» ուղղությամբ: Այս ծրագրով սովորելու իրավունք ունեն բարձրագույն կրթություն ունեցող անձինք /բակալավր, մասնագետ, մագիստրոս և այլն/ անկախ բազային մասնագիտությունից ու տարիքից: Ուսուցման ժամանակահատվածը մինչև 18 ամիս է»,- ասվում է հաղորդագրության մեջ:

Ուսման ավարտին, բոլոր քննությունները լավ հանձնելուց ու թեզը պաշտպանելուց հետո շրջանավանրտներին տրվում է MBA աստիճան և երկու դիպլոմ՝ Շվեյցարական «Մարքեթինգ» բիզնես-դպրոցի(MBA SBS) դիպլոմի բնօրինակն ու ՌՀՀ «Ֆինանսներ ու բանկեր» Բիզնես-դպրոցի(MBA РАУ) դիպլոմը:

Շվեյցարական Բիզնես-դպրոցը աշխարհի ամենաառաջատար բիզնես-դպրոցներին է և հավատարմագրություն ունի վեց միջազգային մասնագիտացված հավատարմագրային կազմակերպությունում: -0-