Ադրբեջանը կկրկնի Վրաստանի ճակատագիրը, եթե պատերազմ սկսի Հայաստանի հետ. ՀԴԿ առաջնորդ

Ադրբեջանը կկրկնի Վրաստանի ճակատագիրը, եթե պատերազմ սկսի Հայաստանի հետ,  կարծում է  Հայաստանի Դեմոկրատական կուսակցության առաջնորդ Արամ Սարգսյանը։

Նրա խոսքերով, Ադրբեջանն, ինչպես և Վրաստանը 2008 թվականի օոգոստոսին, դրսից օգնություն ստանալու հույս ունի։

«Ադրբեջանը կպարտվի պատերազմում, ինչպես և առաջին անգամ։ Բացի այդ, միջազգային հանրությունը թույլ չի տա, որպեսզի այդ պատերազմը մեկ օրից ավելի տևի»,- ասաց կուսակցության առաջնորդը։

Սարգսյանի խոսքերով, հնարավոր պատերազմը կհեղինակազրկի Ադրբեջանին։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրեցին նրան, որ վերացավ հսկողությունը ոչ միայն Լեռնային Ղարաբաղում, այլև հարակից յոթ շրջանում:

1994թ. մայիսի 12-ին զինադադարի վերաբերյալ կնքված եռակողմ համաձայնագրից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ մահացավ շուրջ 25-30 հազար մարդ, և մոտ մեկ միլիոնն ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվայանից ի վեր հակամարտության խաղաղ կարգավորման ուղղությամբ բանակցություներ են տարվում ԵԱՀԿ Մինսկի խմբի շրջանակներում, որոնց համանախագահներն են ԱՄՆ-ն, Ռուսաստանը և Ֆրանսիան:-0-