Հայկական սփյուռքի ներկայացուցչուհին լավագույն արդյունքն է ցույց տվել Էստոնիայում կանանց շրջանում անցկացվող շախմատի մրցաշարի ժամանակ

ԵՐԵՎԱՆ, 24 օգոստոսի. /Նովոստի-Արմենիա/. Հայկական սփյուռքի ներկայացուցչուհի Յանա Հայրապետյանը լավագույն արդյունքն է ցույց տվել Էստոնիայի մայրաքաղաքում կանանց շրջանում անցկացվող շախմատի մրցաշարի ժամանակ, որը նվիրված էր Էստոնիայի Անկախության օրվան:

Ինչպես ասվում է http://tallinn-ararat.ucoz.ru կայքում տեղադրված տեղեկատվության մեջ, մրցաշարը կազմակերպել է Տալինի «Արարատ» հայկական մշակութային միությունը՝ Էստոնիայի շախմատի ֆեդերացիայի աջակցությամբ:

Տղամարդկանց շրջանում մրցաշարի հաղթող է դարձել միջազգային գրոսմայստեր Իգոր Շվիրևը: Երկրորդից չորրորդ մրցանակային տեղերը կիսել են Տարմո Տուուլը, Մարտի Մեդարն ու Վալենտին Դրագունը:

Մրցաշարը սպասարկել է միջազգային կարգի շախմատի մրցավար Լեմբիտ Վախեսաարը:

Սեպտեմբերի 23-ից 25-ը «Արարատ» միությունը Տալինում առաջին անգամ կանցկացնի «Էստոնիայի հայկական սփյուռքի գավաթի» շախմատի բաց մրցաշարերը, որոնք նվիրվում են Հայաստանի Անկախության օրվան:-0-