ՀՀ ոստիկանապետը կարծում է, որ Հայաստանը լավ ցուցանիշներ ունի թրաֆիքինգի դեմ պայքարում։
«Թրաֆիքինգի դեմ պայքարում Հայաստանում լուրջ քայլեր են ձեռնարկվել, և հանրապետությունը երկրորդ հատուկ վերահսկվող ցուցակից տեղափոխվել է անմիջականորեն երկրորդ խումբ»,- ուրբաթ լրագրողներին հայտնեց Սարգսյանը։
Հայաստանի ոստիկանապետի կարծիքով, այն, որ ԱՄՆ կողմից աշխատանքները դրական են գնահատվել, լուրջ ձեռքբերում է, քանի որ իսկապես այդ ուղղությամբ մեծ աշխատանք է կատարվել։
Ըստ նրա, իրականացված աշխատանքի արդյունքում աճել է ինչպես քրեական գործերի, այնպես էլ բացահայտված տուժածների թիվը։
«Կարծում եմ, որ այս առումով մենք լավ ցուցանիշներ ունենք»,- ավելացրեց Սարգսյանը։
Խոսելով կառուպցիայի դեմ պայքարի մասին՝ Հայաստանի ոստիկանապետն ասաց, որ վեց ամիսների ընթացքում ողջ հանրապետությունում բացահայտվել է կաշառակերության 31 դեպք՝ նախորդ տարվա առաջին կիսամյակի 7 դեպքի դիմաց։
«Կոռուպցիոն դրսևորումները, դժբախտաբար, դեռևս գոյություն ունեն Հայաստանում և, հավանաբար, կարելի է ասել, որ մեր աշխատանքներն առայժմ չի կարելի դրական համարել։ Այդ առումով մեզ դեռ լուրջ աշխատանք է սպասվում»,- հավելեց Սարգսյանը։ -0-
