ՀՀ նախագահը ԱՄՆ պետքարտուղարի հետ երկկողմ հարաբերություններին վերաբերող հարցեր է քննարկել

21.08.2009, 13:42
ՀՀ նախագահը ԱՄՆ պետքարտուղարի հետ երկկողմ հարաբերություններին վերաբերող հարցեր է քննարկել
ՀՀ նախագահը ԱՄՆ պետքարտուղարի հետ երկկողմ հարաբերություններին վերաբերող հարցեր է քննարկել

ԵՐԵՎԱՆ, 21 օգոստոսի. /Նովոստի-Արմենիա/. ՀՀ նախագահ Սերժ Սարգսյանը երեկ երեկոյան ԱՄՆ պետքարտուղար Հիլարի Քլինթոնի հետ ունեցած հեռախոսազրույցի ժամանակ երկկողմ հարաբերություններին վերաբերող հարցեր է քննարկել, հաղորդում է ՀՀ նախագահի մամուլի ծառայությունը:

Տեղեկատվության համաձայն՝ հեռախոսազրույցը տեղի է ունեցել ամերիկյան կողմի նախաձեռնությամբ:

«Հեռախոսազրույցի ընթացքում քննարկվել են հայ-ամերիկյան երկկողմ հարաբերություններին և տարածաշրջանային հիմնախնդիրներին` մասնավորապես հայ-թուրքական քաղաքական երկխոսությանը վերաբերող հարցեր», - ասվում է տեղեկատվության մեջ:-0-