Հայաստանում որակյալ սերիալների ստեղծման համար անհրաժեշտ են լուրջ ներդրումներ և պրոֆեսիոնալ մոտեցում. արտիստ

ԵՐԵՎԱՆ, 19 օգոստոսի. /Նովոստի-Արմենիա/. Որակյալ սերիալների ստեղծման համար Հայաստանում անհրաժեշտ են լուրջ ներդրումներ և պրոֆեսիոնալ մոտեցում, չորեքշաբթի մամուլի ասուլիսԻ ժամանակ ասաց Հայաստանի վաստակավոր արտիստ Հրանտ Թոխատյանը։

Արտիստը նշեց, որ որակյալ սերիալները նորմալ երևույթ են հեռուստատեսության համար։

«Հայկական հեռուստատեսությունում ցուցադրվում են տասնյակից ավելի սերիալներ, բայց միայն մեկ-երկուսը կարելի է որակյալ համարել»,- ասաց նա։

«Համաշխարային չափորոշիչներին համապատասխանող սերիալ ստեղծելու համար անհրաժեշտ են ֆինանսական լուրջ ներդրումներ։ Սերիալների ուղղությամբ պետք է աշխատեն պրոֆեսիոնալ ռեժիսորներ, սցենարիստներ և դերասաններ»,- ասաց Թոխատյանը։

Խոսելով հայկական հեռուստատեսության մասին՝ արտիստը նշեց, որ այն հետագա զարգացման կարիք ունի։

«Մեր հեռուստատեսությունից պետք է ավելին սպասել. դա հատկապես վերաբերում է լրատվական և ճանաչողական հաղորդումներին, քանի որ ժամանցային հաղորդումների առումով ամեն ինչ քիչ թե շատ լավ է»,- ընդգծեց Թոխատյանը։

Ըստ նրա, ավելի բարձր հոգևոր պահանջներ ունեցող հեռուստադիտողը նախընտրում է դիտել արբանյակային հեռուստատեսություն և օգտվել համացանցից։ -0-