Հայաստանը պետք է Ղարաբաղի կարգավիճակի սահմանման հստակ ժամանակային ժամկետներ պահանջի. պատգամավոր

ԵՐԵՎԱՆ, 11 օգոստոսի. /Նովոստի-Արմենիա/. Հայաստանը պետք է Ղարաբաղի կարգավիճակի սահմանման հստակ ժամանակային ժամկետներ պահանջի, կարծում է ՀՀ «Ժառանգություն» ընդդիմադիր խմբակցությունից ԱԺ պատգմավոր Վարդան Խաչատրյանը:  

Նրա խոսքերով` ԵԱՀԿ ՄԽ համանախագահ Մեթյու Բրայզայի վերջերս արված  հայտարարությունը Լեռնային Ղարաբաղի կարգավիճակի և տարածքները ետ վերադարձնելու մասին սեփական քաղաքական հավակնություններին հասնելու  նպատակ ունի:

Բրայզան Հայաստան կատարած իր մեկօրյա այցի ընթացքում հայտարարեց, որ ստատուս-քվոն ամրագրված է հակամարտության կարգավորման մադրիդյան սկզբունքներում, իսկ բազային սկզբունքները ենթադրում են «Լեռնային Ղարաբաղը շրջապատող բոլոր յոթ շրջանների վերադարձը Ադրբեջանի հսկողության տակ», ընդ որում դրանցից 5-ը կվերադարձվեն անհապաղ, իսկ երկուսն ավելի ուշ՝ ելնելով Լեռնային ղարաբաղում ապրող քաղաքացիների անվտանգության տարրերից:   

«Հայկական իշխանությունների լռությունը ինձ համար անհասկանալի է... Բրայզայի անցմանը Ադրբեջանում ԱՄն դեսպանի պաշտոնին նախորդում է այս հայտարարությունը: Այս առումով կարելի է նշել, որ այն ադրբեջանամետ է, հատկապես այն մասով, որտեղ խոսվում է հինգ շրջանների անհապաղ հանձնման մասին»,- երեքշաբթի Խաչատրյանն ասաց լրագրողներին: 

Նրա խոսքերով՝ մյուս երկու շրջանները կարող են հանձնվել հիգ տարվա ընթացքում: «Եթե հայտարարության մեջ կարող է հնչել նման հարկադրում, ապա մենք, գոնե որպես հակակշիռ, պետք է հավակնենք Լեռնային Ղարաբաղի կարգավիճակի սահմանման հստակ ժամանակային ժամկետների»,- ընդգծեց Խաչատրյանը:

Նա ասաց, որ «Բրայզայի այս հայտարարությունը Հայաստանին ծուղակն է գցում, որը պատրաստված է ադրբեջանցի վերլուծաբանների և, հնարավոր է, հատուկ ծառայությունների կողմից»:

բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրեցին նրան, որ վերացավ հսկողությունը ոչ միայն Լեռնային Ղարաբաղում, այլև հարակից յոթ շրջանում:

1994թ. մայիսի 12-ին զինադադարի վերաբերյալ կնքված եռակողմ համաձայնագրից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ մահացավ շուրջ 25-30 հազար մարդ, և մոտ մեկ միլիոնն ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվայանից ի վեր հակամարտության խաղաղ կարգավորման ուղղությամբ բանակցություներ են տարվում ԵԱՀԿ Մինսկի խմբի շրջանակներում, որոնց համանախագահներն են ԱՄՆ-ն, Ռուսաստանը և Ֆրանսիան:

--0--