Ղարաբաղյան հակամարտության կարգավորման ԵԱՀԿ ՄԽ ամերիկացի համանախագահ Մեթյու Բրայզան պետք է «պերսոնա նոն-գրատա» հայտարարվի Հայաստանում, կարծում է «Սահմանադրական իրավունք միություն» կուսակցության նախագահ Հայկ Բաբուխանյանը:
«Մոտ մեկ տարի առաջ ես արդեն ասել եմ, որ ՀՀ իշխանությունները պետք է Բրայզային պերսոնա նոն-գրատա հայտարարեն, և մինչ այժմ էլ այդ նույն կարծիքին եմ: Հենց դրան է արժանի մարդը, արտասահմանցի դիվանագետը, որը չի հարգում հայ ժողովրդին, պետությանը և իշխանություններին»,- երեքշաբթի մամուլի ասուլիսի ժամանակ ասաց Բաբուխանյանը:
Քաղաքական գործչի խոսքերով՝ նորմալ կլիներ, եթե նման քննադատական արտահայտություններ Հայաստանի հասցեին իրեն թույլ տար դրա իրավունքն ունեցող այդ երկրի քաղաքացին: Սակայն նման պահվածքը անթույլատրելի է արտասահմանցի դիվանագետի կողմից:
«Ես կոչ եմ անում Հայաստանի իշխանություններին Բրայզային պերսոնա նոն գրատա հայտարարել և արտաքսել Հայաստանից»,- հայտարարեց Բաբուխանյանը:
Մեթյու Բրայզան շուրջ 3 տարի զբաղեցնում է ԵԱՀԿ ՄԽ համանախագահի պաշտոնը: Բազմիցս Ղարաբաղյան խնդրի վերաբերյալ Բրազայի ադրբեջանամետ հայտարարությունները դժգոհություն են առաջացրել Հայաստանում և Լեռնային Ղարաբաղում: Ներկայումս լուրեր են պտտվում Բրայզային Ադրբեջանում ԱՄՆ դեսպան նշանակելու մասին:
1992 թվայանից ի վեր հակամարտության խաղաղ կարգավորման ուղղությամբ բանակցություներ են տարվում ԵԱՀԿ Մինսկի խմբի շրջանակներում, որոնց համանախագահներն են ԱՄՆ-ն, Ռուսաստանը և Ֆրանսիան:
բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրեցին նրան, որ վերացավ հսկողությունը ոչ միայն Լեռնային Ղարաբաղում, այլև հարակից յոթ շրջանում:
1994թ. մայիսի 12-ին զինադադարի վերաբերյալ կնքված եռակողմ համաձայնագրից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ մահացավ շուրջ 25-30 հազար մարդ, և մոտ մեկ միլիոնն ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: --0--
