Վրաստանի քաղաքացին՝ A/H1N1 գրիպի կասկածով, Երևան է ժամանել Լոնդոնից, սակայն չի լքել ինքնաթիռը և որոշ ժամանակ անց մեկնել է Թբիլիսի, հաղորդում է Հայաստանի Հանրային Հեռուստաընկերությունը։
Տեղեկատվության համաձայն՝ ինքնաթիռի վայրէջքից հետո ճշտվել են բոլոր ուղևորների տվյալներն, ու սահմանվել է հատուկ բժշկական հսկողություն: Արդյունքում պարզվել է, որ բոլոր ուղևորներն առողջ են: Տեղեկատվության մեջ չի նշվում չվերթի ժամանման ամսաթիվը:
ՀՀ առողջապահության նախարարությունը հայտարարում է Հայաստանում A/H1N1 վիրուսով հիվանդների բացակայության մասին:-0-
