Առևտրի որակն ու սպասարկման ոլորտի մակարդակը Հայաստանում վերջին տարիներին զգալիորեն աճել են. փորձագետ

Վերջին տարիներին Հայաստանում զգալիորեն աճել է առևտրի որակն ու սպասարկման ոլորտի մակարդակը առևտրային կետերում, հինգշաբթի լրագրողներին հայտնեց Հայաստանի սպառողների միության նախագահ Արմեն Պողոսյանը։

«Առևտրի որակի ու սպասարկման ոլորտի մակարդակի բարձրացմանը զուգահեռ մենք, այնուամենայնիվ, դեռևս հեռու ենք ապրանքի և սպասարկման որակի եվրոպական չափորոշիչների մակարդակից»,- ասաց Պողոսյանը։
 
Նրա խոսքերով` փողոցային առևտրի առկայությունը սանիտարահիգիենիկ չափորոշիչների կոպիտ խախտում է։

Ըստ նրա` այդ հարցը պետք է լուծվի պետական մակարդակով։ Այդ առումով Պողոսյանն ընդգծեց, որ մոտ օրերս նախատեսվում է հանդիպում մայրաքաղաքի խոշոր գյուղատնտեսական շուկաների ղեկավարների հետ, որտղ կքննարկվի շուկաների դատարկ տաղավարների հարցը փողոցում առևտրի առատության պարագայում։

Պողոսյանի կարծիքով՝ հարկային սակագների իջեցումը շուկայի առևտրի տաղավարներում, պատժամիջոցների անհապաղ կիրառումը իրավախախտումների հայտնաբերման դեպքում Միության գործունեության հիմականան ուղղություններից է։

«Խախտումների հայտնաբերման, օրենքի խախտման դեպքում իրավախախտի նկատմամբ կիրառվում են վարչական պատժամիջոցներ, մասնավորապես, կշեռքի օգտագործման խախտումների դեպքում 50-100 հազար դրամի չափով։ Սակայն մեր խնդիրը պատժելը չէ, այլ խնդիրների վերացումը»,- ասաց Պողոսյանը։

Նա նշեց նաև, որ սպառողներն իրենք էլ պետք է շահագրգռված լինեն իրենց շահերի պաշտպանությամբ և անհրաժեշտության դեպքում իրենց իրավունքների վերականգնում պահանջեն։

Պողոսյանը նշեց նաև, որ բողոքների առկայության դեպքում Հայաստանի մայրաքաղաքի և մարզերի բնակիչները կարող են դիմել Սպառողների միության թեժ գիծ՝ 56-11-47։ -0-