ՀՀ էկոնոմիկայի նախարար Ներսես Երիցյանը և Համաշխարհային բանկի (WB) Միջազգային ֆինանսական կորպորացիայի (IFC) Կովկասի տարածաշրջանային գրասենյակի ղեկավար Թոմաս Լյուբեքը քննարկել են Հայաստանում Միջազգային ֆինանսական կորպորացիայի գործունեության ընդլայնման ու ակտիվացման հնարավորությունները:
Ինչպես չորեքշաբթի «Նովոստի-Արմենիա» գործակալությանը հայտնեցին Հայաստանի էկոնոմիկայի նախարարության մամուլի ծառայությունից, որպես փոխգործակցության առաջնային ուղղություններ նախարար Ներսես Երիցյանն առանձնացրել է ֆինանսական համակարգում իրականացվող երկարաժամկետ և կարճաժամկետ ենթակառուցվածքային ծրագրերը և պետություն-մասնավոր հատված համագործակցությամբ իրականացվող նախագծերը, մասնավորապես, բանկային, էներգետիկայի և դեղագործության ոլորտներում, կապիտալի շուկայում, կարողությունների ձևավորման գործընթացներում:
Հյուրի խնդրանքով Էկոնոմիկայի նախարարը համառոտ ներկայացրել է Հայաստանում Վենչուրային կապիտալի հիմնադրամի ստեղծման, Նորարարության և ձեռներեցության ազգային կենտրոնի և Համահայկական բանկի հիմնման գործընթացը:
Թոմաս Լյուբեքը հավաստիացրել է, որ Միջազգային ֆինանսական կրպորացիան միշտ պատրաստ է օժանդակելու և սերտ համագործակցելու, առավելապես երբ կան մշակված ծրագրեր և երկկողմ ցանկություն:
2009-2012 թվականներին ՀԲ-նՀայաստանին կփոխանցի 545 մլն դոլար հակաճգնաժամային միջոցառումների իրականացման համար։ -0-
