Հայ քաղաքագետն ընդամենը քարոզչություն է համարում ադրբեջանցի «փախստականներին» ԼՂՀ վերադարձնելու Ադրբեջանի նախաձեռնությունը
ԵՐԵՎԱՆ, 5 օգոստոսի. /Նովոստի-Արմենիա/. Հայ քաղաքագետ, Երևանի պետական համալսարանի պրոֆեսոր Ալեքսանդր Մանասյանն ընդամենը քարոզչություն է համարում ադրբեջանցի «փախստականներին» ԼՂՀ տարածք վերադարձնելու Ադրբեջանի նախաձեռնությունը։
«Թող գումարներ ծախսեն, թող վերադարձնեն մարդկանց Ղարաբաղ, բայց ոչ թե Լեռնային, այլ դաշտային Ղարաբաղ»,- ասաց Մանասյանը չորեքշաբթի մամուլի ասուլիսում։
Ինչպես ավելի վաղ հայտարարել էր Ադրբեջանի փախստականների և տեղափոխված անձանց հարցերի պետկոմիտեի նախագահ, Ադրբեջանի փոխվարչապետ Ալի Հասանովը, երկիրը պատրաստվում է «Մեծ վերադարձ» ծրագիրը կյանքի կոչելուն, որը ենթադրում է ադրբեջանցի փախստականների վերադարձը Ղարաբաղի տարածք։
Վերադարձի ծրագիրն իբր մի քանի փուլ է ընդգրկում՝ տարածքների ականազերծում, ենթակառուցվածքների վերականգնում, նոր տնտեսական ծրագրեր և նոր աշխատատեղերի ստեղծում։ -0-
