«Արմավիա» ավիաընկերությունը տեղեկացնում է դեպի Եվրոպա թռիչքների հաճախականության մեծացման մասին

ԵՐԵՎԱՆ, 5 օգոստոսի. /Նովոստի-Արմենիա/. Հայկական «Արմավիա» ավիաընկերությունը տեղեկացնում է դեպի Եվրոպա թռիչքների հաճախականության մեծացման մասին։ 

Ինչպես «Նովոստի-Արմենիա» գործակալությանը հայտնեց ընկերության մամուլի քարտուղար Նանա Ավետիսովան, օգոստոսի 15-ից Երևան-Ցյուրիխ-Երևան չվերթը կիրականացվի շաբաթը 3 անգամ՝ երկուշաբթի, հինգշաբթի և շաբաթ օրերին, իսկ Երևան-Հռոմ-Երևան չվերթն օգոստոսի 16-ից շաբաթական երկու անգամ՝ չորեքշաբթի և կիրակի օրերին։

«Արմավիա» ավիաընկերությունը Օդային տրանսպորտի միջագզային ասոցիացիայի (IATA) անդամ է: Ընկերությունն իրականացնում է ամսական մոտ 250 չվերթ 30  ուղղություններով դեպի ԱՊՀ երկրներ, Եվրոպա և Միջին Արևելք: 2008թ.-ին ընկերությունը մոտ 647000 ուղևոր է փոխադրել:

Ավիաընկերության օդանավերի պարկը բաղկացած է Ա-319, Ա-320, Իլ-86, Տու-134 ինքնաթիռներից: 2008թ.-ին ընկերությունը փոխադրել է մոտ 647000 ուղևոր:--0—