Հայ պատգամավորը կարծում է, որ ԱՊՀ-ն պետք է մեծ նպատակներ դնի, այլ ոչ թե աշխատի հանուն «թռչնակի»

ՀՀԿ-ից ՀՀ ԱԺ պատգամավոր Հերմինե Նաղդալյանը կարծում է, որ ԱՊՀ-ն պետք է իր առջև մեծ նպատակներ դնի, այլ ոչ թե աշխատի հանուն «թռչնակի»:

«Որքան շատ այդ կառույցն աշխատում է ներկա տեսքով՝ հանուն «թռչնակի», այլ ոչ թե որևէ լուրջ, մեծ նպատակների համար, այդքան ավելի շատ այն աշխատում է իր դեմ: Անհրաժեշտ է մեծ և կարևոր նպատակներ դնել, առաջ քաշել գաղափարախոսություն, որը մոտ է բոլորին և հաշվի է առնում բոլոր մասնակիցների շահերը, և որտեղ բոլոր մասնակիցները համոզված կլինեն, որ իրենց չեն խափի, չեն  հարձակվի հեծելազորով», - ասել է Նաղդալյանը «Գոլոս Ռոսիի» ռադիոկայանի  կազմակերպած Երևան-Մոսկվա ռադիոկամուրջի ժամանակ:

Նրա խոսքերով՝ այս հարցում անհրաժեշտ է օրինակ վերցնել ԵՄ-ից՝ գտնելու համար այն ուժը, որը կստեղծի նոր միություն, «ոչ այն հին Միությունը, այլ ինքնավար, բարեկամական պետությունների միություն, որոնք ունեն անկեղծ, ընդհանուր շահեր և անկեղծ հարաբերություններ»:

«Նոր միությունը կծնվի անկեղծ քաղաքական գործիչների անկեղծ քաղաքական կամքից», - ընդգծել է Նաղդալյանը:

Նրա խոսքերով՝  անհրաժեշտ է ճիշտ ընտրել գլխավոր սկզբունքը, դա է՝ անկեղծ վերաբերվել միմյանց և ամեն ինչից վեր դասել բոլորի շահերը, այլ ոչ թե սեփական շահը, և այս ամենը, առաջին հերթին, պետք է սովորեն վերնախավերը:-0-