Հայաստանի Տաթև վանական համալիրում աշխարհի ամենաերկար ճոպանուղու շինարարությունը կսկսվի 2009 թ.-ի սեպտեմբերին, տեղեկացրել է Հայաստանի Մրցունակության ազգային հիմնադրամի գործադիր տնօրեն Բեկոր Փափազյանը:
«Դեպի Տաթև վանական համալիր տանող աշխարհի ամենաերկար ճոպանուղու կառուցումը կսկսվի այս տարվա սեպտեմբերին: Համապատասխան պայմանագիրն արդեն ստորագրվել է մի քանի շաբաթ առաջ: Այն կդառնա աշխարհի ամենաերկար ճոպանուղին», - շաբաթ օրը Հիմնադրամի նիստից հետո ասել է Փափազյանը լրագրողներին:
Դեպի Տաթև վանական համալիր տանող աշխարհի ամենաերկար ճոպանուղու կառուցման մասին պայմանագիրը ստորագրվել է Երևանում հուլիսի 14-ին: Ճոպանուղու կառուցումը 20 միլիոն դոլար արժողությամբ «Տաթևի վերածնունդն ու վերականգնումը» եռամյա ծրագրի բաղկացուցիչ մասն է, որն իրականացնում է Հայաստանի մրցունակության ազգային հիմնադրամը 2009 թ.-ի փետրվարից: Ճոպանուղու կառուցման արժեքը կազմում է 6,8 միլիոն եվրո:
Հիմնադրամի տնօրենի խոսքերով՝ «Տաթևի վերածնունդն ու վերականգնումը» ծրագիրը զուգահեռաբար նախատեսում է հերթական միջոցառումների ծրագրավորման աշխատանքների անցկացում և ճոպանուղու կառուցում: Փափազյանի խոսքերով՝ ճոպանուղու կառուցումը Հայաստանի համար կարևոր նշանակություն կունենա, մասնավորապես՝ այն կարող է լրացուցիչ ներդրումներ ներգրավել զբոսաշրջության ոլորտ:
Միաժամանակ Փափազյանի տեղեկացրել է, որ հիմնադրամը նաև մշակում է Տաթևում և Գորիսում զբոսաշրջության զարգացման մաստեր-ծրագիր, որոնք, նրա խոսքերով, ունեն զբոսաշրջության մեծ ներուժ:
Տաթևի վանքը խոշոր մշակութային կենտրոն է եղել՝ ձեռագրատնով, արհեստանոցով, գրադարանով և ամենահայտնի համալսարաններից մեկով։
ՀՀ կառավարության հունիսի 26-ի որոշմամբ՝ Տաթև վանական համալիրը և հարակից Խոտ, Շինուհայր, Հալիձոր, Տաթև, Սվարանց, Տանձաթափ, Աղվանի և Բարձրավան գյուղերն ընդգրկված են «Տաթև» զբոսաշրջային կենտրոնում։ -0-
