Հայաստանի սեղանի թենիսի պատանեկան հավաքականը կմասնակցի Հունգարիայում կայանալիք մրցաշարին
Հայաստանը մրցաշարում կներկայացնեն մինչև 12 տարեկան կարգում Հայաստանի չեմպիոն Էռնեստ Ապրիյանը, Հայաստանի նույն տարիքային կարգի չեմպիոնուհի Դիանա Խոջագորյանը, ինչպես նաև Սերգեյ Սիմոնյանը, պատանեկան հավաքականի մարզիչ Արթուր Պողոսյանը։
«Սեղանի թենիսի եվրոպական միությունը (ETTU) կազմակերպում է «Եվրաճամբար», որի արդյունքներով պետք է որոշվեն լավագույն 20 մարզիկները, ում միությունը կհովանավորի և վերպատրաստման հնարավորություն կընձեռի»,- ասաց Դիլոյանը։
Նրա խոսքերով՝ թեև առաջնությանը կմասնակցեն նաև Սլովակիայի, Չեխիայի, Ռուսաստանի, Բելառուսի ներկայացուցիչներ, նա հայ թենիսիստներից հաջող ելույթ է ակնկալում։
«Հայաստանի սեղանի թենիսի ֆեդերացիան այսօր իր հիմնական շեշտադրումն անում է աճող սերնդի վրա»,-ասաց Դիլոյանը։
Ըստ նրա՝ հայկական սեղանի թենիսի երբեմնի փառքը վերկանգնելու համար անհրաժեշտ է երկար և լուրջ աշխատանք։
«Հայաստանը բավականին հետ է ընկել այս մարզաձևում, քանի որ սեղանի թենիսը բավարար ֆինանսավորում չի ստանում».- հավելեց Դիլոյանը։ -0-
