ՀՀ նախագահը ցավակցական ուղերձ է հղել Մեդվեդևին՝ Ռոստովի մարզում տեղի ունեցած ողբերգության կապակցությամբ

ՀՀ նախագահ Սերժ Սարգսյանը ցավակցական ուղերձ է հղել ՌԴ նախագահ Դմիտրի Մեդվեդևին և ՌԴ Ռոստովի մարզի վարչակազմի ղեկավար Վլադիմիր Չուբին՝ Դոնի Ռոստովի մոտ տեղի ունեցած ՃՏՊ-ի կապակցությամբ, որը հանգեցրել է բազմաթիվ մարդկային զոհերի, երեքշաբթի «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից:

Նախորդ ուրբաթ «Դոն» Մ-4 մայրուղու վրա, Ճանապարհային երթևեկության անվտանգության պետական տեսչության հերթապահ կետից երկու կմ հեռավորության վրա Սամարսկոյե գյուղի մոտակայքում (Դոնի Ռոստովից շուրջ 35 կմ հեռավորության վրա) իրար են բախվել «Իկարուս» մակնիշի ավտոբուսը, որով Կրասնոդարի երկրամասի բնակիչները ուղևորվում էին Ռոստովի մարզ և նավթատարը: Բախումն այնքան ուժեղ է եղել, որ երկու մեքենաներից մնացել է միայն մետաղի կույտ: Ողբերգության հետևանքով զոհվել է 21 և տուժել 8 մարդ:-0-