Հայաստանի արտգործնախարարի տեղակալը հանդիպել է հայ և թուրք երիտասարդների հետ

Ինչպես երեքշաբթի «Նովոստի-Արմենիա» գործակալությանը հայտնեցին հանրապետության ԱԳՆ մամուլի ծառայությունից, հանդիպման ընթացքում  Արման Կիրակոսյանը ներկայացրել է Հայաստանի արտաքին քաղաքականության առաջնայնություններն ու հարաբերությունները տարածաշրջանի երկրների հետ:

Ծրագիրն իրականացնում է «Ապագան քոնն է» բարեգործական հասարակական կազմակերպությունը Հայաստանում ԱՄՆ դեսպանատան և ԵԱՀԿ երևանյան գրասենյակի աջակցությամբ:

Ծրագրի նպատակն է հայ և թուրք երիտասարդների մշակութային և կրթական փոխայցերի միջոցով ստեղծել հանդուրժողականության և բարյացկամության մթնոլորտ` աջակցելով երկու երկրների միջև սկսված երկխոսությանը:

Հյուրերի խնդրանքով նախարարի տեղակալն անդրադարձել է հայ-թուրքական հարաբերությունների կարգավորման գործընթացին, ինչպես նաև արցախյան հիմնախնդրի բանակցությունների վերջին զարգացումներին:-0-