Մադրիդյան սկզբունքները Ղարաբաղի վերաբերյալ բանակցությունների մեկնակետն են, կարծում է Հայաստանի Ազգային Ժողովի պատգամավոր, Հայաստանի հանրապետական կուսակցության երիտասարդական թևի առաջնորդ Կարեն Ավագյանը։
Ռուսաստանի, ԱՄՆ–ի և Ֆրանսիայի նախագահներ Դմիտրի Մեդվեդևը, Բարաք Օբաման և Նիկոլյա Սարկոզին վերջերս հանդես են եկել հայտարարությամբ, որում ասվում է, որ Երևանին և Բաքվին կներկայացվի Լեռնային Ղարաբաղի վերաբերյալ վերջին առաջարկությունների տարբերակը:
Հայտարարության մեջ նախագահները հանձնարարում են իրենց միջնորդներին Ադրբեջանի և Հայաստանի նախագահներին ներկայացնել 2007 թվականի նոյեմբերի 29-ի մադրիդյան փաստաթղթի թարմացված տարբերակը, որը պարունակում է համանախագահների հիմնական սկզբունքների ձևակերպումների վերաբերյալ վերջին առաջարկությունները:
Հակամարտության կարգավորման Մադրիդյան սկզբունքները, մասնավորապես, նախատեսում են ազատ կամարտահայտության միջոցով Ղարաբաղի կարգավիճակի սահմանում, Լեռնային Ղարաբաղի և Հայաստանի միջև ցամաքային կապի ապահովում, անվտանգության երաշխիքների տրամադրում, վերահսկվող տարածքներից զորքերի դուրսբերում:
«Մադրիդյան սկզբունքներն այն կետն են, որից կարող են սկսվել բանակցությունները։ Այդ փաստաթուղթը պարտավորեցնող չէ կողմերից և ոչ մեկի համար»,- երկուշաբթի ասաց Ավագյանը լրագրողներին։
Նրա խոսքերովէ այդ փաստաթուղթը միայն սկզբունքների հավաքածու է, որոնց շուրջ կընթանան բանակցությունները։
Իր հերթին «Ժառանգություն» խորհրդարանական խմբակցության անդամ Ստեփան Սաֆարյանն ասաց, որ հիմնական տարաձայնությունները Հայաստանի և Ադրբեջանի միջև կապված են Ղարաբաղի կարգավիճակը որոշելու ժամկետների հաստատման, ընթացակարգերի և ձևաչափի հետ։
«Այս առումով կարելի է ասել, որ խոչընդոտը ստեղծում է ադրբեջանական կողմը»,- նշեց Սաֆարյանը։
Նա նշեց նաև, որ այս կապակցությամբ վտանգ կա, որ այդ սկզբունքները կարող են փոքր-ինչ փոփոխվել՝ ոչ Հայաստանի օգտնին։
բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին։
1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։
Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։
1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի հետևանքով երկու կողմից զոհվեց մոտավորապես 25-30 հազ մարդ և մոտ մեկ միլիոնը ստիպված եղավ լքել բնակավայրերը։
Զինադադարի ռեժիմի մասին համաձայնությունը պահպանվում է մինչ այժմ։
1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-
