ՀՀ նախագահ Սերժ Սարգսյանը ուրբաթ ծանոթացել է Երևանի «Զվարթնոց» օդանավակայանի մեկնման և ժամանման համալիրի շինարարության ընթացքին:
«Զվարթնոց» օդանավակայանի մեկնման և ժամանման նոր համալիրի շինարարության մեջ արված ներդրումները կկազմեն 160 միլիոն ԱՄՆ դոլար: Շինարարական աշխատանքները սկսվել են 2008 թ.-ի սկզբին և, ծրագրերի համաձայն, շենքը շահագործման կհանձնվի 2011 թ.-ի վերջին:
ՀՀ նախագահը ծանոթացավ շինարարական աշխատանքների ընթացքի, նոր շենքի համալրման ծրագրերի հետ, ինչպես նաև նայել է ապագա համալիրի գծագրերն ու մակետները:
Նախագահը շրջեց նաև արդեն շահագործվող մեկնման և ժամանման սրահներում, ծանոթացավ նոր ներդրված տեխնիկական և ուղևորների սպասարկման գործընթացի կազմակերպմանը:
ՀՀ նախագահը հատուկ ուշադրություն դարձրեց Duty Free խանութներին, որտեղ նրան ներկայացրեցին ապրանքների տեսականին, գներն ու սպասարկումը:
Ինչպես լրագրողներին տեղեկացրեց ՀՀ նախագահի մամուլի քարտուղար Սամվել Ֆարմանյանը, ՀՀ նախագահը կարևորել է Duty Free խանութներում հայկական արտադրանքի ներկայացվածությունը, ընդ որում՝ ողջ ծավալով, որը կարող է հետաքրքրել պոտենցիալ գնորդներին:
Duty Free խանութով շրջելիս ՀՀ նախագահը փորձեց «Arcolad» հայկական շոկոլադե ֆաբրիկայի կոնֆետները, մասնավորապես՝ սալորը շոկոլադի մեջ:
Զվարթնոցի նոր հասարակական համալիրի ընդհանուր մակերեսը կկազմի 34 հազար քառակուսի մետր, որտեղ կտեղակայվեն ուղևորների գրանցման բաժանմունքները, խանութներն ու ռեստորանները, ինչպես նաև ժամանման նոր մեծ սրահը՝ դիմավորողների համար նախատեսված սրահով: Նոր շենքի տարածքում կգործի 20 հազար քակառուսի մետր մակերես ունեցող երկհարկանի կայանատեղի՝ մինչև 600 ավտոմեքենա տեղավորելու հնարավորությամբ:
Ժամանման և մեկնման սրահի շինարարական աշխատանքների նախորդ՝ 2004-2007 թթ. փուլին ուղղվել էր 84 միլիոն դոլարի ներդրում:
«Արմենիա-միջազգային օդանավակայաններ» ՓԲԸ-ն շահագործում է «Զվարթնոց» օդանավակայանը՝ 30-ամյա կոնցեսիոն կառավարման համաձայն, որը Հայկական կառավարությունը տրամարդրել էր 2001թ.-ին։
Ընկերության սեփականատերն է Նյու-Յորքի հոլդինգային ընկերությունը, որի արժեթղթերի 100%-ը պատկանում է Արգենտինայի քաղաքացի հայազգի Էդուարդո Էռնեկյանին։-0-
