Մալթայի հայկական համայնքը պաշտոնական կայք է գործարկել

Մալթայի՝ վերջերս գրանցված հայկական համայնքը www.malta-armenia.eu պաշտոնական կայք է գործարկել երեք լեզուներով՝ հայերեն, ռուսերեն և անգլերեն, «Նովոստի-Արմենիա» գործակալությանը հայտնեցին Հայաստանի սփյուռքի նախարարության մամուլի ծառայությունից։  

Ինչպես տեղեկացրեց կայքի պատասխանատու Իլոնա Սարուխանյանը, հայկական կիրակնօրյա դպրոցի բացում է նախատեսվում Վալետտայում։ Բացի այդ, փողոցներից մեկում կտեղադրվի Հայոց ցեղասպանության զոհերի հիշատակին նվիրված խաչքար։

Սարուխանյանի խոսքերով՝ Մալթայում բնակվում է շուրջ 300-500 հայ։

Հուլիսի 31-ին Մալթայի մայրաքաղաք Վալետտայի «Հիլթոն» հյուրանոցում կանցկացվի պաշտոնապես գրանցված հայկական համայնքի առաջին կոնֆերանսը, որի ընթացքում կընտրվի համայնքի ղեկավարը։ -0-