Հայաստանի ոստիկանությունը փնտրում է ՎՏԲ-Հայաստան Բանկի մասնաճյուղի վրա հարձակում գործած անձանց

Հայաստանի ոստիկանությունը փնտրում է ՎՏԲ-Հայաստան Բանկի մասնաճյուղի վրա հարձակում գործած անձանց, տեղեկացնում է Հակաստանի ոստիկանության մամուլի ծառայությունը:

«Հուլիսի 22-ին, ժամը 09.30-ին, ոստիկանության Արաբկիրի բաժնին կից ՊՊՎ պահպանության բաժնից ահազանգ է ստացվել, որ Բաղրամյան 56 հասցեում գործող «Հայխնայբանկի» 4-րդ մասնաճյուղից օգնություն են խնդրել: Պարզվել է, որ ժամը 09.20-ի սահմաններում դիմակավորված և զինված երեք անհայտ անձինք մուտք են գործել նշված մասնաճյուղ, դանակի սպառնալիքով ծեծի ենթարկել կառավարիչ` 1954թ. ծնված Սեդա Հ.-ին և հափշտակելով 3 միլիոն 900.000 դրամ, 3 040 դոլար, 420 եվրո, 18 000 ռուբլի` դիմել են փախուստի»,- ասված է հաղորդագրության մեջ:

Սեդա Հ.-ն տեղափոխվել է «Սուրբ Գրիգոր Լուսավորիչ» բժշկական կենտրոն:

Ձեռնարկվում են միջոցառումներ` հանցագործություն կատարած անձանց և գողոնը հայտնաբերելու ուղղությամբ:

Քննությունը վարում է ոստիկանության Արաբկիրի քննչական բաժինը:

 «ՎՏԲ Հայաստան Բանկ» ՓԲԸ-ն (մինչև 2006 թ.-ի հունիսի 20-ը՝ «Հայխնայբանկ» ՓԲԸ) դարձել է ՎՏԲ խմբի մասնակից 2004 թ.-ի ապրիլին: ՎՏԲ բանկը «ՎՏԲ Հայաստան Բանկ» ՓԲԸ-ի 100 տոկոս բաժնետոմսերի սեփականատերն է:

Այժմ բանկն ունի 78 մասնաճյուղ:-0-