Հայաստանի կառավարության հակաճգնաժամային ծրագրերի արդյունքները ակնառու կդառնան 2009թ. վերջին. վարչապետ

Հայաստանի կառավարության կողմից իրականացվող հակաճգնաժամային ծրագրերի արդյունքները ակնառու կդառնան 2009թ. վերջին, երեքշաբթի լրագրողներին ասաց ՀՀ վարչապետ Տիգրան Սարգսյանը։

«Մենք հստակ հակաճգնաժամային ծրագիր ունենք՝ մենք պետք է հետևողական լինենք հակաճգնաժամային միջոցառւոմների իրականացման ժամանակ։ Մեր հակաճգնաժամային քայլերի հիմնական էությունն այն է, որ մենք պետք է մեծացնենք ենթակառուցվածքների ծախսերը, որպեսզի պետության դրամավարկային քաղաքականության ծրագիրը հետևողական լինի»,- ասաց վարչապետը։  

Նրա խոսքերով՝ Հայաստանի կառավարությունը ներկայումս աննախադեպ միջոցներ  է ձեռնարկում, և արդեն մեծացրել է պետբյուջեի դեֆիցիտը, որպեսզի հնարավորություն ունենա խթանել ՀՆԱ աճը։

Ինչպես տեղեկացրեց կառավարության ղեկավարը, նաև միջոցներ են ձեռնարկվում  փոքր և միջին բիզնեսի համար բարենպաստ պայմաններ ստեղծելու ուղղությամբ, և շուրջ 50 հազար ձեռնարկություններ արդեն օգտվել էն ԱԱՀ գծով արտոնություններից, ինչի արդյունքում պետության բյուջեն չստացավ մի քանի միլիարդ դրամ եկամուտ։

«Անցկացվում է նաև առանձին ձեռնարկությունների վարկավորման ծրագիր, ինչը պետք է օժանդակի ՀՆԱ աճին։ Այս ամիս մենք նախատեսում ենք դրական արդյունքների հասնել, որոնք տարեվերջին ավելի ակնհայտ կդառնան»,- ասաց վարչապետը։

Հակաճգնաժամային միջոցառումների իրականացման համար Հայաստանի կառավարութոյանն առընթեր ստեղծվել է օպերատիվ շտաբ։ Հակաճգնաժամային միջոցառումների շրջանակներում կառավարությունն արդեն պետական երաշխիքներ է տրամադրել մի շարք հայկական ձեռնարկությունների, մասնավորապես, 20 միլիարդ դրամի չափով (54,8 միլիոն ԱՄՆ դոլար) պետերաշխիքներ են ստացել հայ կառուցապատողները։ Փետրվարին կառավարությունը 10 միլիոն դոլարի կարճաժամկետ վարկ է տրամադրել Զանգեզուրի (Քաջարանի) պղնձամոլիբդենային կոմբինատի զարգացման համար։ -0-