Հայաստանն ու Գերմանիան մտադիր են համագործակցել գաղտնի տեղեկատվության պաշտպանության հարցերում

Հայաստանի կառավարությունը հինգշաբթի նիստում համաձայնություն տվեց Գերմանիայի կառավարության հետ «Գաղտնի տեղեկատվության պաշտպանության մասին» համաձայնագիր ստորագրել։

Ինչպես հայտնեց ՀՀ Ազգային անվտանգության ծառայության տնօրեն Գորիկ Հակոբյանը, համաձայնագրով կարգավորվում է գաղտնի տեղեկատվության փախանակման կարգը, երաշխիքները և դրա պաշտպանության հիմքերը։

Ծառայության տնօրենը նշեց, որ համաձայնագրի ստորագրումը նպատակահարմար է համապատասխան մարմինների կողմից բացահայտված գաղտնի տեղեկատվության պաշտպանության համար երկկողմ հարաբերությունների ընթացքում։ -0-