Միջպետական ավիացիոն կոմիտեի մասնագետները կմեկնեն Իրան՝ Caspian Airlines իրանական ավիաընկերության Տու-154 ինքնաթիռի վթարի հետաքննությանը մասնակցելու համար, ասվում է ՄԱԿ-ի կայքում հրապարակված հաղորդագրության մեջ:
Caspian Airlines իրանական ավիաընկերության RV 7908 չվերթի Տու-154 ինքնաթիռը, որը չորեքշաբթի Թեհրանից Երևան թռիչք էր կատարում, վթարի է ենթարկվել Իրանում: Վերջին տվյալներով՝ զոհվել է 168 մարդ, ողբերգության պատճառ է դարձել շարժիչներից մեկում բռնկված հրդեհը, հաղորդում է «ՌԻԱ Նովոստին»:
«Միջազգային օդային օրենսդրության համաձայն՝ Միջպետական ավիացիոն կոմիտեում մասնագետների խումբ է ձևավորել, որը կմեկնի Իրան ավիացիոն պատահարի հետաքննությանը մասնակցելու: Խումբը գլխավորում է ԽՍՀՄ վաստակավոր օդաչու Յաչմենև Գեորգի Ալեքսանդրովիչը»,- ասվում է հաղորդագրության մեջ:
Խմբի գործունեությունը կիրականացվի Իրանի իսլամական հանրապետության ավիացիոն իշխանությունների հետ համագործակցությամբ, Միջազգային քաղաքացիական ավիացիայի մասին կոնվենցիայի «Ավիացիոն պատահարների և միջադեպերի հետաքննության» 13-րդ հավելվածի դրույթներին համապատասխան, հայտնում է ՄԱԿ-ը: -0-
