Իրանում տեղի ունեցած ավիավթարում զոհվել է Վրաստանի երկու քաղաքացի. ԱԳՆ

Չորեքշաբթի Իրանում տեղի ունեցած ավիավթարում զոհվել է Վրաստանի երկու քաղաքացի, «ՌԻԱ Նովոստիին» հայտնեցին Վրաստանի ԱԳՆ մամուլի ծառայությունից։

Նախարարության տվյալներով՝ զոհվել են Իրանում վրացական առաքելության ղեկավարի կինն ու Հայաստանում Վրաստանի դեսպանության ֆինանսական մենեջերը։

Գտնվե՞լ են ինքնաթիռում, արդյոք, Վրաստանի այլ քաղաքացիներ, ԱԳՆ-ն շարունակում է պարզել։

Իրանում ավիավթարի ենթարկված Թեհրան-Երևան կանոնավոր չվերթն իրականացնող ինքնաթիռում եղել է 153 ուղևոր և անձնակազմի 15 անդամ:

«ՏՈՒ-154» ինքնաթիռն իրականացնում էր Թեհրան-Երևան կանոնավոր չվերթը: Ինքնաթիռն ընկել է Թեհրանից 200 կմ հեռավորության վրա:-0-