ԵՐԵՎԱՆ, 15 հուլիսի. /Նովոստի-Արմենիա/. Թեհրան-Երևան չվերթն իրականացնող վթարի ենթարկված ինքնաթիռում գտնվել են Ռուսաստանի քաղաքացիներ, «Նովոստի-Արմենիա» գործակալությանը հայտնեցին Caspian Airlines-ի ներկայացուցչությունից։
Ինչպես հայտնեցին ներկայացուցչությունից, ռուսաստանյան քաղաքացիների թիվը ներկայումս պարզվում է, մանրամասները հայտնի կլինեն մեկ ժամից։
Իրանում վթարված ինքնաթիռում գտնվել է 153 ուղևոր՝ ներառյալ երկու երեխա և անձնակազմի 15 անդամ։
ТУ-154 ինքնաթիռը Թեհրան-Երևան կանոնավոր չվերթն էր իրականացնում։ Օդանավն ընկել է իրանական մայրաքաղաքից 200 կմ հեռավորության վրա։ Նախնական տվյալներով՝ բոլոր ուղևորներն ու անձնակազմի անդամները զոհվել են։ -0-
