ԱՄՆ 2010 թ.-ի բյուջեի համաձայն՝ Հայաստանին տրամադրվելիք օգնությունը կկրճատվի 18 միլիոն դոլարով և կկազմի 30 միլիոն դոլար
ԵՐԵՎԱՆ, 10 հուլիսի. /Նովոստի-Արմենիա/. ԱՄՆ Կոնգրեսի Հատկացումների կոմիտեն հաստատել է ԱՄՆ 2010 թ.-ի բյուջեն, որի համաձայն՝ Հայաստանը 30 միլիոն դոլարի օգնություն կստանա, ինչը 18 միլիոն դոլարով պակաս է 2009 թ.-ի ցուցանիշից, հաղորդում է Ամերիկայի հայկական համագումարը։
«ԱՄՆ աջակցությունը կօգնի Հայաստանին մեղմել շարունակվող թուրքական շրջափակման հետևանքները, և Համագումարը կշարունակի աշխատել Սենատի և Կոնգրեսի Ներկայացուցիչների պալատի հետ՝ Հայաստանի և Լեռնային Ղարաբաղի համար լավագույն հնարավորություններ ապահովելու համար», - Համագումարից մեջբերեցին գործադիր տնօրեն Բրայան Արդունիի խոսքերը։
Կոնգրեսը հետևել է ԱՄՆ նախագահ Բարաք Օբամայի վարչակազմի ցուցումներին, որն առաջարկել էր նախորդ տարվա մակադրակից (48 միլիոն դոլար) կրճատել Հայաստանին հատկացվող ֆինանսավորումը։
Սենատը նաև հաշվի է առել Ադրբեջանին 22 միլիոն դոլար տրամադրելու մասին Վարչակազմի խնդրանքը։
Համագումարի աղբյուրների համաձայն՝ այս պահի դրությամբ ռազմական ֆինանսավորման և միջազգաին ռազմակրթական պատրաստվածության ուղղությամբ աջակցություն նախատեսված չէ ոչ Հայաստանի, ոչ Ադրբեջանի համար։
Միաժամանակ Համագումարում հույս ունեն, որ ռազմական օգնության տրամադրման դեպքում հավասարությունը կպահպանվի։
ԱՄՆ Կոնգրեսի Ներկայացուցիչների պալատն իր ողջ կազմով այժմ մանրամասն մշակում է ԱՄՆ օտարերկրյա գործողությունների վերաբերյալ օրինագծի իր տարբերակը, որը, հավանական է, որ պատրաստ կլինի երեկոյան։-0-
