Հայաստանը 52,3 հազար դոլար կծախսի Ջերմուկում մոծակների դեմ պայքարի համար

Հայաստանի կառավարությունը շուրջ 19 մլն. դրամ (52,3 հազար ԱՄՆ դոլար) կուղղի Ջերմուկ քաղաքում մոծակների դեմ պայքարին։ Նման որոշումը հաստատվել է հինգշաբթի կառավարության նիստի ժամանակ։

Ինչպես նիստի ընթացքում հայտնեց Հայաստանի գյուղատնտեսության նախարար Գերասիմ Ալավերդյանը, ֆումիգացիոն միջոցառումները (թռչող միջատների դեմ պայքարի քայլերի համակարգ) ծրագրի շրջանակներում նախատեսվում է իրականացնել 130 հեկտար մակերեսով տարածքում։

Նախարարի խոսքերով՝ աշխատանքները կիրականացնի մոծակների և այլ վնասատու միջատների ոչնչացման համապատասխան փորձ և տեխնիկական համալրում ունեցող կազմակերպությունը։

Իր հերթին վարչապետն ընդգծեց, որ այսուհետ քաղաքային իշխանությունները պետք է ինքնուրույն լուծեն նմանատիպ նախագծերի ֆինանսավորման հարցը։

«Ամեն տարի մենք նմանատիպ ծրագիր ենք հաստատում, և անհրաժեշտ է դրան վերջ դնել, այլապես դա արդեն կարող է վատ սովորություն դառնալ։ Մինչևչոչնչացվեն ճահճացված տարածքները կոնկրետ տեղամասում, մոծակների ոչնչացումն անհնար կլինի։ Սա վերջին անգամն է, երբ տվյալ ծրագիրը ֆինանսավորվում է պետբյուջեի միջոցներից»,- ասաց Սարգսյանը։ -0-