«Կնոջ աշխարհ» ութերորդ ցուցահանդեսը կանցկացվի հուլիսի 23-25-ը Երևանի «Մոսկվա» կինոթատրոնում, հինգշաբթի «Նովոստի-Արմենիա» գործակալությանը հայտնեցին «Էքսպոմեդիա» ցուցահանդեսների նախագծման կենտրոնից։
Ավանդական դարձած «Կնոջ աշխարհ» ցուցահանդեսը հնարավորություն է ստեղծում մասնակից կազմակերպություններին անմիջական շփման միջոցով սպառողին ներկայացնել նորամուծություններ, նոր առաջարկներ նորաձևության և կոսմետոլոոգիայի, առողջապահության, մաշկի խնամքի, կենցաղային տեխնիկայի և այլ ոլորտներում»,- ասվում է հաղորդագրությունում։
«Կնոջ աշխարհ» ցուցահանդեսի նպատակն է ներկայացնել այն ամենն, ինչ թեթևացնում ու բարելավում է կնոջ կենցաղը՝ հնարավորություն տալով նրան միշտ մնալ գեղեցիկ, հմայիչ և անզուգական։
Ցուցահանդեսին կներկայացվեն հետևյալ բաժինները՝ օծանելիք, դիմահարդարում և բուժիչ միջոցներ, մարմնի, մազերի խնամքի միջոցներ և պարագաներ, գեղեցկության և SPA-սրահներ, բիժուտերիա, զարդեր, նորաձև աքսեսուարներ, հագուստ և կոշկեղեն, արդուզարդի և անկողնու պարագաներ, հարսանյաց սրահներ և պարագաներ, ամեն ինչ հղի կանանց, մայրերի և երեխաների համար, ծաղիկներ։
Ցուցահանդեը կազմակերպվում է Հայաստանի Հանրապետական Կուսակցության Կանանց խորհրդի աջակցությամբ։ -0-
