Վրաստանը վերսկսել է ռուսական գազի տարանցումը Հայաստան
Հինգշաբթի առավոտյան Վրաստանը վերսկսել է ռուսական գազի տարանցումը Հայաստան, ՌԻԱ Նովոստիին են տեղեկացրել Վրաստանի նավթի և գազի կորպորացիայից:
Հայաստանի գազամատակարարումը դադարեցվել էր հուլիսի 8-ին վրացական գազաբաշխիչ կայանի նորոգման աշխատանքերի պատճառով: Ընկերության տվյալներով, նորոգման աշխատանքներն իրականացվում էին հայկական կողմի խնդրանքով: Գազամատակարարումը նախատեսվում էր վերսկսել հուլիսի 10-ին:
«Վրաստանի գազափոխադրման ընկերության աշխատակիցներն ինտեսնիվ կերպով աշխատեցին, ինչի արդյունքում էի վերականգնողական աշխատանքներն ավարտվեցին նախատեսվածից մեկ օր շուտ»,- նշել են մամուլի ծառայությունից:
Վերջին անգամ Վրաստանից Հայաստան գազամատակարարումը ժամանակավորապես դադարեցվել էր 2009թ. հունիսի 16-21-ը, քանի որ Վրաստանը Ղազախ-Սագուրամո 1000 մմ տրամագծով 3,6 կմ երկարությամբ նոր կառուցված հատվածի միացման աշխատանքներ էր իրականացնում:-0-
