Հայաստանում սփյուռքահայ երիտասարդության համար «Հայրենագիտություն» ինտերակտիվ դասընթացներ կանցկացվեն

ՀՀ սփյուռքի նախարարությունը գործընկերության հուշագիր է ստորագրել «Կրթություն առանց սահմանի», «Սևան երիտասարդական ակումբ» հասարակական կազմակերպությունների  հետ, որի շրջանակներում սփյուռքահայ երիտասարդության համար  «Հայրենագիտություն» ինտերակտիվ դասընթացներ կանցկացվեն «Արի տուն» ծրագրի շրջանակներում:

ՀՀ սփյուռքի նախարարության անունից փաստաթուղթը ստորագրել է համահայկական ծրագրերի վարչության պետ Ժենյա Ազիզյանը:

Հուշագրի համաձայն՝ «Կրթություն առանց սահմանի» հասարակական կազմակերպությունը կաջակցի սփյուռքի նախարարությանը`մշակել և իրականացնել ինտերակտիվ դասընթացի ծրագիրը:

Նախ կվերապատրաստվեն «Հայրենագիտություն» դասավանդող ուսուցիչները, այնուհետև Երևանի տարբեր համայնքներում կըտրվեն այն դպրոցները, որտեղ պետք է դասավանդվի առարկան:

Հայրենակիցների յուրաքանչյուր խմբի համար վերապատրաստում անցած ուսուցիչների միջոցով կանցկացվի «Հայրենագիտություն» դասընթացի 12 ինտերակտիվ դասաժամ:

«Սևան երիտասարդական ակումբ» հասարակական կազմակերպությունն իր հերթին կծանոթացնի հայրենիք եկած երիտասարդներին Գեղարքունիքի մարզի ազգային, մշակութային արժեքներին և ավանդույթներին:-0-