Այս տարվա հունվար-մայիս ամիսներին Ռուսաստանից Հայաստանի բանկային համակարգի միջոցով ֆիզիկական անձանց հաշվին փոխանցվել է 267,6 միլիոն դոլարի ոչ առևտրային բնույթի միջոցներ, ինչը 36,6 տոկոսով պակաս է 2008 թ.-ի հունվար-մայիս ամիսների մակարդակից (422,2 մլն դոլար):
«Նովոստի-Արմենիա» գործակալություն ստացված ՀՀ ԿԲ մայիս ամսվա տեղեկագրի տեղեկատվության համաձայն՝ հաշվետու ժամանակաշրջանում Հայաստանից Ռուսաստան է փոխանցվել 34,4 միլիոն դոլար՝ 2008 թ.-ի նույն ժամանակահատվածի 46,6 մլն դոլարի համեմատ (26,3 տոկոսի անկում):
Այս ամենի արդյուքնում այս տարվա հունվար-մայիս ամիսներին ՌԴ-ից փոխանցվող միջոցների մաքուր հոսքը կազմել է 233,2 միլիոն դոլար՝ նախորդ տարվա նույն ժամանակահատվածի 375,5 միլիոն դոլարի համեմատ, այսինքն անկումը կազմել է 37,9 տոկոսը:
Փաստորեն, ՌԴ-ին բաժին է ընկել Հայաստան ֆիզիկական անձանց հաշվին փոխանցվող ոչ առևտրային բնույթի միջոցների 77,7 տոկոսը և երկրից կատարվող բոլոր փոխանցումների 52,2 տոկոսը, իսկ ՌԴ-ի մասնաբաժինը Հայաստան փոխանցվող միջոցների մաքուր հոսքում հունվար-մայիս ամիսներին կազմել է 83,7 տոկոս: 2008 թ.-ի նույն ժամանակահատվածում այդ ցուցանիշները կազմել են, համապատասխանաբար, 80,5, 49,6 և 87,2 տոկոս:-0-
