Երևանի քաղաքապետը Կիպրոսի նախագահին պարգևատրեց Երևան քաղաքի Ոսկե մեդալով

ՀՀ մայրաքաղաքի քաղաքապետ Գագիկ Բեգլարյանը երեքշաբթի պարգևատրեց Կիպրոսի նախագահ Դիմիտրիս Խրիստոֆիասին Երևան քաղաքի Ոսկե մեդալով։

Քաղաքապետարան այցի ընթացքում Խրիստոֆիասը եղավ Երևանի քաղաքապետարանի թանգարանում, որտեղ նրան ներկայացվեցին հայկական մայրաքաղաքի պատմական անցյալի ցուցանմուշներ։
 
Խրիստոֆիասը դարձավ առաջին հյուրը, ով քաղաքապետարան այցի ընթացքում մակագրություն կատարեց քաղաքապետարանի հյուրերի գրքում։

Իր հերթին Կիպրոսի ղեկավարը Երևանի քաղաքապետարանին նվիրեց հուշանվեր՝ «Կերինիա» (Kerynia) նավը, որը խորհրդանշում է ազատագրումը թուրք զավթիչներից։

Թուրքիայի կողմից Կիպրոսի հյուսիսում գտնվող ծովափնյա Կերինիա բռնազավթված քաղաքի պատվին կոչված նավը մ.թ.ա. չորրորդ դարում նպաստել է առևտրային կապերի հաստատմանը Կիպրոսի և Միջերկրածովյան ափի երկրների միջև։

Հետագայում նավը սուզվել է Կերինիայի ափերի մոտ, և ներկայումս քաղաքի ամրոցում պահվում են նավի հիմքը և դրանում տեխափոփվող բեռան մնացորդները, որոնք ներկայացված են որպես ցուցանմուշներ։

Կիպրոսի ներկայիս նախագահ Դիմիտրիս Խրիստոֆիասը ծնունդով Կերինիայից է։ -0-