Լեռնային Ղարաբաղի մայրաքաղաքում կանցկացվի համահայկական ֆորում

Հուլիսի 10-11-ին Ստեփանակերտում կանցկացվի հայ ժողովրդի համար արդիական հարցերին նվիրված համահայկական ֆորում, երկուշաբթի հայտնեց «Հայ դատի» կենտրոնական գրասենյակի տնօրեն և ՀՅԴ քաղաքական հարցերի պատասխանատու Կիրո Մանոյանը:

«Նման ֆորումի կազմակերպումը պայմանավորված է հայկական հասարակությունում տիրող անհանգստությամբ, որը ծագել է Ղարաբաղյան հիմնահարցի կարգավորման բանակցային գործընթացից և հայ-թուրքական հարաբերությունների նորմալացման բանակցություններից: Հենց այս երկու հարցն էլ գլխավոր կլինեն ֆորումի ժամանակ»,- Մանոյանն ասաց լրագրողներին:

Նա հայտնեց, որ ֆորումին կմասնակցեն 120 քաղաքական ու հասարակական գործիչներ 20 երկրներից, բացի այդ հրավերներ են ուղարկված նաև Հայաստանի խորհրդարանում ներկայացված բոլոր քաղաքական ուժերին:

Մանոյանն ընդգծեց, որ միջոցառման ընթացքում կներկայացվեն ոչ միայն Դաշնակցության, այլև այլ քաղաքական ուժերի ու գործիչների տեսակետները: Մասնավորապես, նախատեսվում են ՀՀ նախկին արտգործնախարար Վարդան Օսկանյանի, ԼՂՀ ԱԳՆ ղեկավար Գեորգի Պետրոսյանի ելույթները, իսկ ՀՀ ԱԳՆ դիրքորոշումը կներկայացնի ՀՀ փոխարտգործնախարար Շավարշ Քոչարյանը:

Մանոյանը կարծում է, որ ֆորումը թույլ կտա հնչեցնել ղարաբաղի մոտեցումները արդիական հացրերի շուրջ: -0-