«Գլոբալ ճգնաժամի ազդեցությունը Հայաստանի վրա. կարճաժամկետ և երկարաժամկետ հեռանկարներ» թեմայով գիտաժողովը կանցկացվի Երևանում հուլիսի 7-ից 8-ը:
Ինչպես «Նովոստի-Արմենիա» գործակալությանը հայտնեցին գիտաժոզղովի կազմակերպիչ հանդիսացող Հայկական միջազգային տնտեսական հետազոտությունների խմբից (AIPRG), գիտաժողովի նպատակն է քննարկել Հայաստանի վրա գլոբալ ճգնաժամի ազդեցությունը, ինչպես նաև ճգնաժամի հետևանքները հաղթահարելու առաջարկները:
Գիտաժողովում զեկուցումներով հանդես կգան Համաշխարհային բանկի, Եվրահանձնաժողովի, ՄԱԿ–ի Զարգացման ծրագրի, Արժույթի միջազգային հիմնադրամի, ԵԱՀԿ–ի, Ասիական զարգացման բանկի առաջատար տնտեսագետներ, ինչպես նաև ՀՀ Կառավարության և մասնավոր ընկերությունների ներկայացուցիչներ։
Գիտաժողովում բացման ուղերձով հանդես կգան ՀՀ վարչապետ Տիգրան Սարգսյանը և Համաշխարհային բանկի Հարավային Կովկասի տարածաշրջանային տնօրեն Ասադ Ալամը:-0-
