Հայկական պետությունը պետք է մեծ ուշադրություն դարձնի հայագիտության զարգացմանը. փորձագետ
ԵՐԵՎԱՆ, 3 հուլիսի. /Նովոստի-Արմենիա/. Հայկական պետությունը պետք է մեծ ուշադրություն դարձնի հայագիտության՝ որպես ռազմավարության տեսանկյունից կարևոր գիտության զարգացմանը, ուրբաթ մամուլի ասուլիսի ժամանակ ասաց Հայաստանի գիտության պետական կոմիտեի նախագահ Սամվել Հարությունյանը:
«Բարեփոխումները հայագիտության ոլորտում սկզբունքային նշանակություն ունեն մեր պետության համար»,- ասաց Հարությունյանը՝ նշելով, որ խորհրդային իշխանության 70 տարվա ընթացքում այդ գիտությունը հետընթաց է ապրել:
Նա ընդգծեց, որ ներկայում որոշակի քայլեր են ձեռնարկվում հայագիտության զարգացման համար:
«Այս ոլորտով զբաղվող կարևորագույն ինստիտուտներին՝ Երևանում հայերի ցեղասպանության թանգարան-ինստիտուտին և «Մատենադարան» հինավուրց ձեռագրերի ինստիտուտին, լրացուցիչ ֆինանսական միջոցներ են տրամադրվել զարգացման ևերիտասարդության ներգրավման համար»,- ասաց հանձնաժողովի ղեկավարը:
Նրա խոսքերով, անհրաժեշտ է նաև ուսումնասիրել ոչ միայն Հայաստանի տարածքում գտնվող արժեքները, այլև այլ երկրների արխիվները, ինստիտուտներն ու թանգարանները հայագիտության զարգացման համար արժեք ունեցող աղբյուրների բացահայտման համար:-0-
