Սևանա լճում խեղդվելուց են փրկել մի պատանու

Հրազդան քաղաքի 15-ամյա բնակիչ Նարեկ Խչոյանին փրկել են խեղդվելուց, տեղեկացրեցին Հայաստանի փրկարար ծառայությունից։

Հուլիսի 2-ին ժամը 15.30-ին Գեղարքունիքի մարզի Սևանի ջրափրկարարական ջոկատի կենտրոնակայան ահազանգ է ստացվել, որ Սևանա լճի քաղաքային լողափում ռետինե ներքնակով մի երեխա վրա 80-100 մետրով հեռացել է ափից:

Ալիքների հետևանքով ներքնակը շրջվել է, և երեխան հայտնվել է ջրի մեջ: Անմիջապես դեպքի վայր է մեկնել ջրափրկարարական խումբը:

Ժամը 15.32-ին երեխան ջրից դուրս է բերվել, նրան ցուցաբերվել է առաջին բուժօգնություն: Տուժածի  առողջական վիճակը բավարար է: -0-