Հայ-ռուսական հարաբերությունները փոփոխության չեն ենթակվել Սահակաշվիլու՝ Հայաստան կատարած այցից. պատգամավոր

Հայաստանի և Ռուսաստանի միջև առկա հարաբերությունները որևէ փոփոխության չեն ենթարկվել և չեն կարող ենթարկվել Վրաստանի նախագահ Միխեիլ Սահակաշվիլու՝ Հայաստան կատարած այցի պատճառով:

Սահակյանի խոսքով, ռուս-վրացական հարաբերությունները կապ չունեն Հայաստանի և Վրաստանի հարաբերությունների հետ:

Պատգամավորը նշեց, որ անհրաժեշտ է գիտակցել ոչ միայն այն, որ Վրաստանը Հայաստանի դարավոր ընկերն է, այլ նաև, որ Վրաստանի տարածքով է Հայաստանը ներկրում և ատահանում իր ապրանքները:

Վրաստանի նախագահ Միխեիլ Սահակաշվիլին ՀՀ նախագահ Սերժ Սարգսյանի հրավերով երկօրյա այցով Հայաստանում էր գտնվում հունիսի 24-ից 25-ը:

Ինչ վերաբերում է ՀՀԿ-ից ԱԺ պատգամավոր Շիրակ Թորոսյանի՝ Վրաստան մուտք գործելու արգելքին, ապա Սահակյանի կարծիքով վրացական իշխանությունների գործողությունները բացատվում էին Ջավախքի լարված իրավիճակն էլ ավելի չսրելու ձգտումով՝ «հաշվի առնելով Թորոսյանի զգացմունքային խառնվածքը»:

Սահակյանը հայտնեց նաև, որ այժմ իրավիճակը Ջավախքում այնքան էլ լարված չէ, և Թորոսյանի համար Վրաստան մուտք գործելու արգելքներ չեն լինի:

Վրացական սահմանապահները հունիսի 19-ին առանց բացատրության արգելել էին Հայաստանի Հանրապետական կուսակցությունից Աժ պատգամավոր, «Ջավախք» հայրենակցական միության նախագահ Շիրակ Թորոսյանի մուտքը Վրաստանի տարածք:-0-