ՀՀ նախագահը դատախազության աշխատակիցներին պարգևատրել է «Մխիթար Գոշ» մեդալով

ՀՀ նախագահ Սերժ Սարգսյանը հրամանագիր է ստորագրել Լոռու մարզի դատախազ, արդարադատության առաջին դասի խորհրդական Կարեն Շահբազյանին և ՀՀ զինվորական կենտրոնական դատախազության պետական շահերի պաշտպանության բաժնի պետ, արդարադատության առաջին դասի խորհրդական Գրիգոր Նավասարդյանին Մխիթար Գոշի մեդալով պարգևատրելու մասին:

Ինչպես «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից, պարգևները հանձնվել են դատախազության աշխատողի օրվա կապակցությամբ: