ՀՀ վարչապետ Տիգրան Սարգսյանը Սյունիքի մարզ կատարած իր այցի ընթացում բացել է Հայաստանի փոքր և միջին ձեռնարկությունների զարգացման ազգային կենտրոնի (ՓՄՁ ԶԱԿ) Կապանի ներկայացուցչությունը:
Կենտրոնը ստեղծվել է ԵԱՀԿ երևանյան գրասենյակի աջակցությամբ՝ ի դեմս նրա ղեկավար, դեսպան Սերգեյ Կապինոսի: Ներկայացուցչության բացման արարողությունից հետո կառավարության ղեկավարը հանդիպել է տեղի գործարարների հետ և նրանց հետ քննարկել մի շարք խնդիրներ:
Ինչպես նշել է ՀՀ էկոնոմիկայի նախարար Ներսես Երիցյանը, «կառավարության միջոցով մենք կկարողանանք հասկանալ, թե ինչպես զարգացնել մարզի տնտեսությունը, մասնավորապես՝ դիվերսիֆիկացիայի ենթարկել ծառայությունների մատուցման ոլորտը»:
ՓՄՁ ԶԱԿ-ը հինգ տարի ժամկետով փոքր և միջին բիզնեսին պետական աջակցության ծրագրեր կիրագործի, այն ունի տասը մարզային մասնաճյուղ:
Ներկայացուցչությունը կարող է իրականանացնել տեխնիկական և ֆինանսական աջակցության ծրագրեր և օգնություն կցուցաբերի սկսնակ գործարարներին:-0-
