Հայաստանում նշել են Վիկտոր Ցոյի 47-ամյակը

Ականավոր ռուս ռոք-երաժիշտ Վիկտոր Ցոյի 47-ամյակը նշեցին Հայաստանում:

Երևանում գտնվող Մոսկվայի տանը կազմակերպվել էր հուշ-երեկո՝ նվիրված Ցոյին, ով հունիսի 21-ին կդառնար 47 տարեկան: Կիրակի օրն անցկացված միջոցառումը կազմակերպել էր «Վանուհի» ռուս հայրենակիցների երիտասարդական հասարակական կազմակերպությունը:

Միջոցառմանը ներկա էին Հայաստանում ՌԴ դեսպանատան երկրորդ քարտուղար Սերգեյ Տելյատնիկովն ու ՌԴ գիտության և մշակույթի ռուսական կենտրոնի ղեկավար, Արտերկրում բնակվող հայրենակիցների և միջազգային հումանիտար համագործակցության հարցերով ԱՊՀ դաշնային գործակալության ներկայացուցչության ղեկավար Վլադիմիր Զյուրյուկինը:

Միջոցառման ընթացքում բազմաթիվ հյուրերին ներկայացվեց հայտնի երաժշտի կենսագրությունը, ցուցադրվեցին Ցոյի կյանքի մասին պատմող վավերագրական կադրեր, ինչպես նաև՝ նրա մասնակցությամբ գեղարվեստական ֆիլմերի հատվածներ, հնչեցին «Կինո» խմբի երգերը:

Միջոցառման ավարտին ելույթ ունեցավ «Another story» հայկական ռոք-խումբը, որը կատարեց «դարաշրջանի վերջին ռոմանտիկ»՝ Վիկտոր Ցոյի երգերը:-0-