Հեռահաղորդակցական տեխնոլոգիաների հայ-հնդկական տեղեկատվական և ուսումնական կենտրոն կստեղծվի Հայաստանում

ԵՐԵՎԱՆ, 26 հունիսի./Նովոստի-Արմենիա/. Հեռահաղորդակցական տեխնոլոգիաների հայ-հնդկական տեղեկատվական և ուսումնական կենտրոն կստեղծվի Հայաստանում, «Նովոստի-Արմենիա» գործակալությանը հայտնեցին հայկական ԱԳՆ մամուլի ծառայությունից։

Ուրբաթ Հայաստանի արտգործնախարարի տեղակալ Կարինե Ղազինյանը և Հայաստանում Հնդկաստանի դեսպան Ռինա Պանդեյը ստորագրեցին Հայաստանի Հանրապետության կառավարության և Հնդկաստանի Հանրապետության կառավարության միջև հայ-հնդկական տեղեկատվական և հեռահաղորդակցման տեխնոլոգիաների ուսումնական կենտրոն հիմնելու մասին փոխըմբռնման հուշագիր (Memorandum of Understanding between the Government of the Republic of Armenia and  the Government of the Republic of  India for establishing India-Armenia Centre for Excellence in Information and Communication Technology): -0-