Մոսկվայում հոկտեմբերին կանցկացվի ականավոր գեղանկարիչ Մինասի աշխատանքների ցուցահանդեսը

Ականավոր գեղանկարիչ Մինաս Ավետիսյանի աշխատանքների ցուցահանդեսը կանցկացվի Մոսկվայում, 2009 թ.-ի հոկտեմբերին, ուրբաթ «Նովոստի» միջազգային մամուլի կենտրոնում մամուլի ասուլիսի ժամանակ ասաց Մինասի՝ Ջաջուռ գյուղում գտնվող թանգարանի տնօրեն, նրա որդի Արման Ավետիսյանը։

«Ցուցահանդեսին կներակայացվեն Մինասի շուրջ 50 գրաֆիկական և գեղանկարչական աշխատանքներ, որոնցից 30-ը Հայաստանից կտարվեն Մոսկվա, իսկ մյուսները կներկայացվեն ռուսական հավաքածուներից», - ասաց Սվետիսյանը։

Նրա խոսքերով՝ հայ գեղանկարչի աշխատանքները ներկայացված են Պուշկինի անվան կերպարվեստի թանգարանում, ինչպես նաև Արևելքի ժողովուրդների թանգարանում։ Վարպետի բազմաթիվ աշխատանքները հավաքված են ոչ միայն պետական թանգարաններում, այլև մասնավոր հավաքածուներում Մոսկվայում, Սանկտ Պետերբուրգում, ինչպես նաև ԱՄՆ-ում և Ֆրանսիայում։

Հայ գեղանկարիչ, գծանկարիչ, թատրոնի նկարիչ, Հայաստանի վաստակավոր նկարիչ (1968) Մինաս Ավետիսյանը ծնվել է 1928 թվականի հուլիսի 20-ին՝ Շիրակի մարզի Ջաջուռ գյուղում։

Սովորել է Թեռլեմեզյանի անվան ուսումնարանում, ավարտել է Երևանի գեղարվեստաթատերական ինստիտուտը, Լենինգրադի Ռեպինի անվան գեղանկարչության, քանդակագործության և ճարտարապետության  ինստիտուտը։

1960 թվականից ապրել է Երևանում։ Մինասի առաջին ցուցահանդեսը տեղի ունեցել 1960 թվականին, բ այց նրան մեծ ճանաչում է բերել 1962 թվականին Երևանում անցկացված «Հինգ նկարիչների» ցուցահանդեսը։

1960-1975 թվականների ընթացքում Մինասը ստեղծել է 500 մեծ ու փոքր կտավներ, գրեթե նույնքան նկարներ, 20 մեծ որմնանկար ու նախագծեր՝ թատերական մեկ տասնյակից ավելի ներակայացումների համար։ Նկարիչը ողբերգական կերպով մահացել է ավտովթարից՝ 1975 թվականի փետրվարի 24-ին Երևանում։-0-