Պատկերապատման և Պատկերի II փառատոնը Երևանում նախատեսվում է կազմակերպել 2010թ մայիսին, «Նովոստի-Արմենիա» գործակալությանը հայտնեցին Հայաստանում Պատկերապատման զարգացման միությունից (APBDA:
Պատկերապատման առաջին միջազգային փառատոնը Երևանում անցկացվեց 2008 թ.-ի հոկտեմբերի 3-5-ը՝ հանրապետությունում այս գեղարվեստական ուղղության զարգացումը խթանելու նպատակով։
Հաղորդագրության համաձայն՝ առաջին փուլում՝ 2009թ հոկետեմբերին, Երևանում կկազմակերպվեն պատկերապատման գործնական պարապմունքներ: Այստեղ կհավաքվեն այն նկարիչները, որոնք կցանականան հմտանալ պատկերապատման ստեղծման գործում:
«Երկրորդ փուլում կանցկացվի բուն փառատոնը: Դրա նախապատրաստումը կսկսվի հենց գործնական պարապմունքներից` աշխատելով առավելագույնս ներգրավել հայ նկարիչներին փառատոնի ծրագրում»,- ասվում է հաղորդագրության մեջ:
Փառատոնի ծրագրում ընդգրկված ցուցահանդեսը և դասախոսությունները կծանոթացնեն հայ հասարակությանը մշակույթի նախարարության կողմից հրավիրված ֆրանսիացի նկարիչների գործերին, ինչպես նաև այն հայ նկարիչների գործերին, որոնք փորձում են ստեղծել հայկական պատկերապատում: Պատկերապատումի գործնական պարապմունքների մասնակիցները, ովքեր կցուցաբերեն ստեղծագործական և դինամիկ մոտեցում, ևս կներկայացվեն հայ հասարակությանը :
Կերպարվեստի պատկերապատման ուղղությունը մեծ տարածում ունի ողջ աշխարհում։ Մասնավորապես, այս ժանրին են վիրել իրենց պրոֆեսիոնալ կարիերան բազմաթիվ նկարիչներ Ֆրասիայում (կոմիկսների ֆրանսիական անվանումն է band desine), ԱՄՆ-ում՝ (graphic novel), Իտալիայում՝ (fumetti), Իսպանիայում՝ (tebeos), Պորտուգալիայում՝ (quadringo), Ֆինլանդիայում՝ (sarjakuva), ինչպես նաև Ճապոնիայում՝ (manga), Կորեայում (manwha) և Չինաստանում՝ (manhua)։--0--
