Հայաստանի գնահատման և թեստավորման կենտրոնը սկսում է ՄՊՔ լրացուցիչ փուլին մասնակցելու դիմումների ընդունելությունը
ԵՐԵՎԱՆ, 23 հունիսի. /Նովոստի-Արմենիա/. Հայաստանի գնահատման և թեստավորման կենտրոնը հունիսի 24-ից սկսում է միասնական պետական քննությունների լրացուցիչ փուլին մասնակցելու դիմումների ընդունելությունը, հայտնվում է ՀՀ գիտության ու կրթության նախարարության պաշտոնական կայքում։
ՄՊՔ-ի լրացուցիչ փուլին մասնակցելու դիմումներն ընդունվում են մինչև հուլիսի 2-ը։ Լրացուցիչ փուլը մեկնարկում է հուլիսի 4-ից։
Ինչպես ասվում է հաղորդագրության մեջ, պետական ավարտական լրացուցիչ քննություններին կարող են մասնակցել` հիմնական փուլում անցկացված քննություններին չմասնակցած շրջանավարտները, միասնական քննության ավարտական մասը (Ա մակարդակ) չհաղթահարած շրջանավարտները, պետական ավարտական քննություններից (2 առարկայից ոչ ավելի) անբավարար ստացած շրջանավարտները:
Գնահատման և թեստավորման կենտրոնի տվյալներով` այս տարի ՀՀ-ում և ԼՂՀ-ում 15 առարկաներից միասնական պետական քննություն հանձնող սովորողների թիվը 19164 մարդ է կազմում։ --0--
