ԵՐԵՎԱՆ, 22 հունիսի. /Նովոստի-Արմենիա/. 2009 թվականի մայիսի 31-ի Երևանի ավագանու ընտրությունների ժամանակ կեղծիքներ թույլ տալու համար այսօր Երևան քաղաքի Մալաթիա-Սեբաստիա համայնքի ընդհանուր իրավասության դատարանը Օնիկ Ալեքսանյանին դատապարտել է 3 տարվա ազատազրկման, սակայն հետո համաներմամբ ազատ է արձակել:
«Ալեքսանյանի նկատմամբ արագացված դատաքննության կարգով քննության ժամանակ կայացվել է դատավճիռ, որով նա մեղավոր է ճանաչել ՀՀ քրեական օրենսգրքի 150-րդ հոդվածով նախատեսված հանցանք կատարելու մեջ («Ընտրությունների կամ քվեարկության արդյունքները կեղծելը»), սակայն ուրբաթ ՀՀ խորհրդարանի կողմից հայտարարված համաներումը հաշվի առնելով՝ դատարանը որոշում է ընդունել հենց դատարանում ազատ արձակել Ալեքսանյանին»,- ասվում է հաղորդագրության մեջ:
Երևանում մայիսի 31-ին անցկացվեցին Ավագանու խորհրդի առաջին ընտրությունները։ 65-հոգանոց խորհուրդ են անցել Հայաստանի հանրապետական կուսակցությունը, «Բարգավաճ Հայաստան» կուսակցությունը, Հայ ազգային կոնգրեսը։
Ձայների հաշվման արդյունքների համաձայն՝ ՀՀ մայրաքաղաքի քաղաքապետ է ընտրվել ՀՀԿ համամասնական ցուցակը գլխավորող Գագիկ Բեգլարյանը: -0-
